Bakıda yaşayış binasında yanğın: sakinlər təxliyə edildi

Bakıda çoxmərtəbəli yaşayış binasında yanğın olub.

Axeber.az bildirir ki, Fövqəladə Hallar Nazirliyinin (FHN) Mətbuat Xidmətinin rəisi Gülçin Mehdiyeva “Report”a açıqlamasında məlumatı təsdiqləyib.

O qeyd edib ki, hadisə səhər saatlarında, paytaxtın Xətai rayonu Natiq Əliyev küçəsi-42 ünvanında qeydə alınıb.

Belə ki, 17 mərtəbəli yaşayış binasının 16-cı mərtəbəsində kommunikasiya xətləri olan şitdə yanğın olub. Hadisə yerinə gələn FHN-in Yanğından Mühafizə Xidmətinin yanğınsöndürən maşınları yanğını söndürüb, bir neçə şəxs təxliyyə edilib.

Faktla bağlı araşıdrma aparılır.