İranda zəlzələdə yaralananların sayı 970 nəfəri ötdü - YENİLƏNDİ

İranda zəlzələdə yaralananların sayı 970 nəfəri ötdü - YENİLƏNDİ

İranın Qərbi Azərbaycan vilayətinin Xoy şəhərində baş vermiş zəlzələdə xəsarət alanların sayı 970 nəfərə çatıb.

Axeber.az xəbər verir ki, bu barədə “Tasnimnews” agentliyi məlumat yayıb.

Qeyd olunub ki, zəlzələ nəticəsində 3 nəfər ölüb, 973 sakin isə yaralanıb.

***

11.02

Ötən gecə İranın şimal-qərbində yerləşən Qərbi Azərbaycan vilayətinin Xoy rayonunda baş verən zəlzələ nəticəsində 3 nəfər ölüb, 816 nəfər yaralanıb.

Axeber.az-ın məlumatına görə, bunu İranın Qərbi Azərbaycan vilayətinin valisi Məhəmməd Sadeq Motəmedian jurnalistlərə açıqlamasında deyib.

M.Motəmedianın sözlərinə görə, yaralılardan 60 nəfəri Xoy rayonu xəstəxanalarında, 64 nəfəri isə Salmas rayonu xəstəxanalarında müalicə alırlar. Qalan yaralılar isə müalicə olunaraq evə buraxılıb.

Qeyd edək ki, ötən gecə İranın şimal-qərbində yerləşən Qərbi Azərbaycan vilayətinin Xoy rayonu ətrafında 7 km dərinlikdə 5,9 bal gücündə zəlzələ baş verib. Xoy rayonunda indiyədək 35 yeraltı təkan qeydə alınıb.