Rusiyada koronavirusa yoluxanların sayı 8 mini ötdü

Rusiyada son bir gündə 1 175 nəfərə koronavirus diaqnozu qoyulub, 5 nəfər virusun qurbanı olub.

Axeber.az bildirir ki, bunu ölkənin Operativ Qərargahı açıqlayıb.

Məlumata görə, bununla da yoluxanların sayı 8 672 nəfərə, ölənlərin sayı 63-ə, sağalanların sayı isə 580 nəfərə çatıb.

Qeyd edək ki, Rusiyada koronavirusa ilk yoluxma faktı yanvarın 31-də qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 209 ölkə və bölgədə qeydə alınıb.