Zelenski Davosda çıxış edəcək
Ukrayna Prezidenti Volodimir Zelenski Davosda keçiriləcək Dünya İqtisadi Forumunda videobağlantı vasitəsilə çıxış edəcək.
Bu barədə Axeber.az “Bloomberg”ə istinadən xəbər verir.
Zelenski konfransın açılışı günü - mayın 23-də çıxış edəcək. Tədbirdə şəxsən iştirak edəcək ukraynalı siyasətçilər arasında Baş nazirin müavini Mixail Fedorov və Kiyev meri Vitali Kliçko da olacaq.
Qeyd edək ki, Davosda Dünya İqtisadi Forumu mayın 22-dən 26-dək keçiriləcək.