Prezident İlham Əliyev İrandakı səfirliyimizə hücumla bağlı başsağlığı verdi

Azərbaycan Prezidenti İlham Əliyev Azərbaycanın İrandakı səfirliyinə silahlı hücum zamanı həlak olan mühafizəçinin ailəsinə və yaxınlarına başsağlığı verib.

Axeber.az xəbər verir ki, bu barədə dövlət başçısı "Twitter"də paylaşım edib.

Prezident İlham Əliyev bu gün Tehrandakı səfirliyimizə qarşı törədilmiş terror aktını şiddətlə qınayıb:

"Səfirliyin və səfirlik əməkdaşlarının mühafizəsini təmin edərkən həlak olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verirəm".