Rüstəm Minnixanov yenidən Tatarıstan Respublikasının prezidenti seçildi

Rüstəm Minnixanov yenidən Tatarıstan Respublikasının prezidenti seçildi

Rüstəm Minnixanov yenidən Tatarıstan Respublikasının Prezidenti seçilib.


APA-nın Moskva müxbirinin verdiyi məlumata görə, Rusiya Mərkəzi Seçki Komissiyası Tatarıstan Respublikasının prezidenti seçkilərinin nəticələrini açıqlayıb.

“Səsvermə protokollarının 100 faizi sayılıb. Rüstəm Minnixanov seçicilərin 83,28 faizinin səsini toplayıb”, - deyə Rusiya MSK-nın məlumatında vurğulanıb.

Xatırladaq ki, R. Minnixanov 2010-cu ildən Tatarıstana rəhbərlik edir.

Qeyd edək ki, sentyabrın 13-də Rusiyada vahid səsvermə olub. Ölkənin 83 regionunda seçicilər qubernator, yerli qanunverici orqanlara nümayəndələr seçiblər. Konstitusiyaya dəyişikliklərlə bağlı bu ilin iyulun 1-də keçirilən ümumxalq səsverməsi kimi budəfəki seçkilər də bir gün deyil, üç gün ərzində keçirilib. Bir sıra regionlarda elektron qaydada səsvermə təşkil olunub.

Loading...