Yol polisi qəzada öldü, sürücü bəraət aldı - MƏHKƏMƏ
Ölümlə nəticələnən yol qəzasında təqsirləndirilən Albert Tahirovun bəraət hökmündən Ali Məhkəməyə müraciət edilib.
Axeber.az-ın məlumatına görə, prokuror onun barəsində olan hökmdən dövlət ittihamçısı kassasiya protesti verib.
Ali Məhkəmədə kassasiya protesti hakim Fərhad Kərimovun icraatına verilib.
Məhkəmə iclasının vaxtı hələlik açıqlanmayıb.
Hadisə 14 may 2018-ci ildə Sumqayıt şəhərində baş verib. A.Tahirovun idarə etdiyi avtomobil yol polisi əməkdaşı Bağırzadə Xəyyam Yusif oğlunun avtomobili ilə toqquşub. Nəticədə X.Bağırzadə dünyasını dəyişib.
Sumqayıt Şəhər Məhkəməsinin hökmü ilə A.Tahirov 5 il məntəqə tipli cəza verilib.
Sumqayıt Apellyasiya Məhkəməsinin qərarı ilə birinci instansiya məhkəməsinin hökmünü ləğv edib. Yeni hökmə əsasən, təqsirləndirilən şəxsə bəraət verilib.